35406 पटक पढिएको
फोटो :एजेन्सी
सिरियामा आईएसको तालिम केन्द्रमा बमबारी
एजेन्सी : पेरिस हमलाको डरलाग्दो जबाफ दिँदै फ्रान्सले आईएस आतंकवादीको सैन्य तालिम केन्द्रमै डरलाग्दो बमबारी गरेको छ ।
फ्रान्सको तर्फबाट यो हमला आर्इएसको अखडा रहेको सिरियाको रक्का शहरमा गरिएको हो ।
रक्का आईएस आतंकवादीको कब्जामा रहेको छ । यूएई र जोर्डनबाट उडान भर्ने फ्रान्सका १० युद्धक विमानले आइतबार केही घन्टामै २० शक्तिशाली बम हानेका हुन् ।
फ्रान्सेली रक्षा मन्त्रालयको तर्फबाट जारी एक विज्ञप्तीमा भनिएअनुसार हवाई हमलाका क्रममा सबैभन्दा पहिले दाएस (अरबीमा आईएसको नाम) को एक कमाण्ड पोस्ट, जिहादीको नियुक्ति केन्द्र र हतियार एवम् युद्धक सामग्रीको डिपो नष्ट गरिएको हो ।
अर्को लक्ष्य आतंकवादीको प्रशिक्षण शिविरकारुपमा रहेको स्थान रहेको थियो । मन्त्रालयले जनाएअनुसार हवाई हमला गर्नका लागि विमान जोर्डन र संयुक्त अरब एमिरेट्सबाट उडेका थिए ।
यो हमला अमेरिकी सैनिकसँग तालमेल गरेर गरिएको हो । यो हमलामा आतंकवादीको तालिम क्याम्प र कमाण्ड पोस्टलार्इ मुख्य निशाना बनाइएको हो । फ्रान्सको रक्षा मन्त्रालयका अनुसार यो हवाई हमलामा सेनाको तर्फबाट आईएसको हतियार गोदामलार्इ पनि लक्षित गरिएको थियो ।
फ्रान्सले कारबाही जारी राख्ने
फ्रान्सको यो कारबाही आर्इएसबाट पेरिसमा भएको हमलाको प्रतिक्रिया मानिएको छ । आईएस आतंकवादीले पेरिसमा गरेको हमलामा १२० जनाको ज्यान गएको थियो ।
त्यो हमलामा ३५० जना गम्भीर घाइते भएका थिए । आर्इएसको आक्रमणपछि फ्रान्स सरकारले आर्इएसविरुद्धको उसको कारबाहीलार्इ अझ कडा बनाउने जनाइसकेको छ ।
EmoticonEmoticon